Ënnerscheeder tëscht Pedalsensor an Dréimomentsensor

Wat ass e Pedalsensor?

E Pedalsensor/Rotatiounssensor registréiert d'Rotatioun vun der Tretachs a miess, wéi dacks deng Pedallen an enger bestëmmter Zäit dréinen. Also deng Trittfrequenz. Vun enger bestëmmter Frequenz u weess de Motor, dass s du Vëlo fërss, a schalt d'Tretënnerstëtzung an.

Well d'Tretënnerstëtzung eréischt ab enger bestëmmter Frequenz oder no der éischter Raduumdreiung erkennbar ass, kënnt d'Ënnerstëtzung bei engem E‑Bike mat Rotatiounssensor mat Verzögerung. Soubal s de ophëls ze trieden oder bremsen muss, ass d'Ënnerstëtzung dowéinst nach e puer Sekonne méi laang ze spieren.

Virdeel: D'Ënnerstëtzung fänkt direkt un, soubal s de ufänks ze trieden.

Nodeel: D'Ënnerstëtzung ass manner gutt op deng Handlunge ofgestëmmt.

Wat ass en Dréimomentsensor/Kraaftsensor?

Genee wéi de Rotatiounssensor schéckt de Kraaftsensor Signaler un de Motor, soubal s de ufänks ze trieden. En E‑Bike mat Kraaftsensor miess zousätzlech, mat wéi vill Kraaft s du fërss.

Beispill: Wann de Kraaftsensor feststellt, dass s du bei enger bestëmmter Trittfrequenz méi Kraaft uwende muss, gëtt d'Ënnerstëtzung méi staark. Dat ass besonnesch praktesch, wann s de op eemol Géigenwand hues, e Bierg erop fërss, oder aus dem Stillstand ufuers.

Virdeel: D'Ënnerstëtzung fillt sech interaktiv an natierlech un, well si direkt op dech als Fuerer reagéiert.

Nodeel: De Motor muss méi haart schaffen. Dat huet Auswierkungen op d'Reechwäit vu dengem Vëlo.